AOI’S POV
Mabuti na lamang ay nasa tabi nang mga sandaling iyon si Eoghan. Niyakap niya ako ng mahigpit upang ako’y kanyang mapatahan. Simula ng maging doktor ako sa hospital na iyon ay ito na ang aking unang pasyenteng hinawakan. Kahit na nalipat ako ng department ay pinupuntahan ko pa rin ito kaya hindi kataka-takang napalapit na ang batang si Brando sa akin.
Pinatigas ako ng panahon at ng mga pagsubok na aking pinagdaanan. Hindi ako umiiyak sa tuwing nahihirapan pero bukod sa panloloko ni Zyran sa akin noon ay itong pagkamatay ni Brando ang isa sa pinakainiyakan ko. Sadyang may napakalaking espasyo sa aking puso ang mga matatanda lalong lalo na ang mga bata na lumalaban sa sakit dahil sa kabila ng murang edad ay pilit silang lumalaban kahit na sinusubok na ng kapalaran.
Alas-Dyes n
