AOI’S POV
Ilang araw na ang nakalipas nang mangyari ang tagpong iyon sa hospital. Hindi na nga ako pinabalik ni Eoghan sa ospital kahit pa sabihin na ilang oras lang akong magtrabaho at mag-duty. Naintindihan din naman iyon ni Dr. Rivera lalo pa ang pagkakaalam ko ay doon pa rin naka-confine si Louisa. Nang tumawag ako kay Yvette ay hindi ko mapigilan ang aking sarili na hindi tumulong kahit pa napakaraming naging atraso nito sa akin. Hindi ko rin naman maitatanggi na naging mabait sa akin ang mga ito noon lalo na si Tito Dominic, ang ama ni Louisa na sa palagay ko ay siya lang ang may totoong pagmamalasakit sa akin.
Simula nang makita ko sila sa restaurant kung saan pinag-uusapan ang kanilang kasal nina Zyran at Louisa ay nagbago ang pagtingin ko kina Tita Vina at Louisa. Tahimik la
