Nakayuko ako habang kaharap ang aking boss na si Mr. Rascal. Masama kasi ang tingin na pinupukol niya sa akin sa hindi ko malaman na dahilan. Galit na galit ang kanyang mukha at naghihintay rin ako na masermonan niya. Kahit pa magkaibigan sila ng Papa noon, walang kai-kaibigan sa kanya pagdating sa trabaho. Napakagat ako ng aking pang-ibabang labi nang hagudin niya ako ng tingin mula ulo hanggang paa.
“What happened to you Veron? Pansin ko ata na parang iba na ang pananaw mo sa buhay. No offense pero nalalaspag na rin ang katawan mo, sa pagkakaalam ko naman ay wala kang kasintahan.” Panimula nito.
Nasamid ako sa sariling laway nang marinig ko ang sinabi niyang laspag. Nakakahiya naman. Dati rati palagi niya akong pinupuri na sobrang sexy ko tapos ngayon laspag na ang tawag niya sa akin.
