Alas nuwebe ng umaga. Kakagising ko lang dahil napuyat ako kagabi sa kakaisip kay Ethan..I mean sa mga nangyari kahapon. Hindi ako ginising ni nanay dahil alam niyang rest day ko ngayon. Pag labas ko ng kuwarto, wala sila, siguro nagsimba. Linggo ngayon at kagawian na nilang mag lola na magsimba ako lang itong mabilang sa daliri kung ilang beses palang nakapasok sa simbahan.
As usual, chopsoy na naman ang ulam. Nag timpla ako ng kape pampagising sa tulog ko pang diwa. Nag prito rin ako ng tuyong isda at talong. Habang hinihintay na maluto, gumawa ako ng sawsawan. Suka na may maraming sili. Sa sawsawan palang natatakam na ako. Kaya nang maluto na ang lahat nilantakan ko na iyon.
" Good morning, mamay. Kakagising niyo lang po?” ang mahinahon na boses ng anak ko ang sumalubong sa akin pagla
