“Malaking pera ang utang ko sayo kaya hindi ako lalayo,” iyon nalang ang taging nasabi ko dahil nalulunod ako sa mga titig niya.
Saglit siyang natigilan at nangunot ang noo. Kumikibot ang kanyang mapulang labi bagaman hindi niya maisatinig ang kanyang nais sabihin. Umiwas ako ng tingin at pinagpatuloy ang paghugas ng mga plato.
Bakit kailangan niyang magmakaawa? Hindi ko naman siya pagtataguan. Ang akin lang dumistansya siya sa akin dahil ayaw ko ng issue. Alam ko rin na medyo nakakahalata na ang mga kasama ko pero hindi lang sila nag komento.
“Nakaharap dito ang CCTV.”
Doon lang siya natinag. Ako naman ang natigilan nang kuhain niya ang mga plato na tapos ko ng sabunan at binanlawan iyon. Umawang ang labi ko. May saltik yata siya sa utak.
“A-Ako na. Ano ka ba!?”
“Nakaharap dito
