HAZEL POINT OF VIEW
Mula sa moment na nakita ko si Coraline na masaya at tila ba wala siyang problema, kumulo ang dugo ko. Ano bang meron siya na wala ako? Ako si Hazel Stonehaven—elegant, sophisticated, at laging nasa taas ng laro. Pero sa tuwing nandiyan siya, parang wala akong halaga kay Lysander. Hindi puwede.
Kailangan kong ipakita sa kanilang lahat, lalo na kay Lysander, na ang isang tulad ni Coraline ay walang karapat-dapat na lugar dito. Kaya nag-isip ako ng plano—isang bagay na sigurado akong sisira sa pangalan niya sa mata ni Lysander.
Habang naglalakad ako sa hall ng mansion, nakita kong naglilinis si Coraline sa isang sulok, mukhang abala sa pagtanggal ng alikabok sa mga frame ng painting. Napaka-casual niya, parang nasa bahay lang. Nakangiti pa siya habang kumakanta-kanta.
