ANASTASIA:
NAMAMANHID ang buong katawan ko at napakatahimik ng malamig na silid na kinaroroonan ko. Bahagya kong naipilig ang ulo na pinapakiramdaman ang paligid ko.
"Nasaan ako?" usal ko sa isipan.
Sunod-sunod akong napalunok na maalalang nasa delivery room ako kanina at ngayon na ako manganganak. Kahit hinang-hina ay pinilit kong idilat ang mga mata ko.
Sa nanlalabo kong paningin ay unang bumungad ang puting kisame at ang dextrose na nakasabit sa itaas ko. Napababa ako ng tingin sa hose nitong nakakunekta sa kamay ko.
"Dwight?" piping usal ko na wala pa rin si Dwight dito.
Kita ko namang wala na ang malaking umbok ng tyan ko. Nangilid ang luha ko na napagala ng paningin at mag-isa ako dito. Marahil ay nasa nursery room ang mga magulang namin na binabantayan si baby.
"Oh, hi. Gi
