Inilapag ni Sahara sa mesa ang thermometer. Mataas pa rin ang lagnat ni DJ. Binanyusan niya ang binata upang maginhawaan ito. Napainom na rin niya ito ng paracetamol at pinakain na rin niya. Hinaplos niya ang mukha ng binata. Labis siyang nag-alala nang malaman niyang inaapoy ito ng lagnat.
Napabuntong-hininga siya, siguradong papagalitan siya ni Mrs. Alonzo kapag nalaman nito kung paano niya alagaan ang kanilang kaaway.
Kaaway ang turing nito kay DJ De Silva. Iyon ang paulit-ulit na pinapaalala nito sa kanya. Malaki ang kasalanan ng binata hindi lang kay Mrs. Alonzo kundi higit sa kanya. Si DJ at si Natasha Valle ang nagbubuklod sa kanila ng ginang. Isang katotohanan na iilang tao lang ang nakakaalam.
Matapos niyang mapakinggan ang audio recording ng Ate Selah niya at ng lalaking tina
