Ilang minuto na simula nang magising si Sahara. Minamasdan niya si DJ na mahimbing na natutulog. Hindi na niya namalayan ang pagdating nito. Huminga siya ng malalim bago siya tumayo at tumuloy sa banyo.
Maaga ang call time nila para sa araw na iyon. Naghanda siya para sa pangalawang araw ng photo shoot. Kumuha siya ng papel at ballpen, nag-iwan siya ng note para kay DJ. Muli niyang minasdam ito bago siya lumabas ng cottage.
Pagkabukas niya ng pintuan ay bumungad sa kanya ang seryosong mukha ni Carlyn.
“Good morning, Ate Carlyn,” mahinang usal niya rito.
“Good morning, Sahara,” tugon nito sa kanya. Bumuntong-hininga ito, “Anong ginagawa mo?” seryosong tanong nito sa kanya.
“Hindi ko maintindihan kung anong ibig mong sabihin Ate Carlyn?” nagtatakang usal niya.
“You are playing with fi
