Naglalakad ako ngayon sa kahabaan ng Edsa dahil nasira ang aking kotse. Hindi rin ako masusundo ni Sil dahil busy siya at ayaw kong istorbohin. Ni hindi na nga raw nakapagbreakfast sabi ni Ron. Wala rin naman akong magagawa dahil kung hihintayin kong umusad ang trapiko ay aabutin ako ng lunch. Minabuti kong lakarin na lang kahit na malayo. Mas matitipid ang oras ko.
Tagaktak na ang aking pawis. Mukhang kailangan ko nang magretouch dahil sa oras na makarating ako sa opisina ay magmumukha na akong taong grasa sa kapal ng alikabok at pawis na lumapat sa akin.
Nasa tatlong kanto na lamang ang aking lalakarin at nananakit na ang aking mga paa. Uhaw na rin ako dahil unti-unti ng tumataas ang araw. Napalingon ako sa ale na nagbibili ng buko juice at nagtangkang bumili noon. Hindi p
