Chapter 45
Tumuloy si Crismafel sa kaniyang silid at sinundan naman siya ni Gina. Napansin nito ang pamamaga ng kaniyang mata at lungkot.
“Crismafel, may problema ka ba?’’ tanong ni Gina sa kaniya.
Hindi alam ni Crismafel kung paano niya sasabihin kay Gina ang lahat. Mukhang sasabog na ang kaniyang puso dahil nagi-guilty siya sa pagsisinungaling niya sa mga ito lalo na sa masasakit na sinabi ni Leon sa knaiya.
Naupo siya kama at tiningnan si Gina. “May gusto sana akong ipagtapat sa’yo, Gina. Pero nag-aalala ako dahil baka magalit kayo sa akin,” maluha-luha niyang sabi.
Bahagya siyang tinitigan ni Gina at napakibot ito ng labi. “Ano ang gusto mong sabihin? Sabihin mo sa akin kung makapagpagaan sa damdamin mo.’’
Pagkasabi ni Gina ay niyakap niya ito at humagulgol siya ng iyak. Hinimas-
