“DARYL... Daryl?”
Napakisap-kisap si Daryl nang marinig niya ang boses na iyon ni Carol. Saka lang niya napagtanto imahinasyon lamang niya ang lahat ng iyon dahil hindi niya kayang sabihin dito ang totoo.
Sa sobrang takot at pag-aalala, kung saan-saan na nakarating ang isip niya. Nag-iisip ng mga posibilidad na puwedeng mangyari.
“Are you sure na okay ka lang?” Itinaas ni Carol ang kamay nito at hinaplos ang kaniyang kaliwang pisngi. “You look so worried.”
Sandaling pinakatitigan niya ang nobya. Hanggang sa huli, nanaig kay Daryl na itago na lang muna ang tungkol sa malaking problema niya.
He took a deep breath. Pilit niyang pinalis ang mga negatibong emosyon sa kaniyang mukha bago niya nginitian si Carol.
“I’m fine. Medyo nag-alala lang ako kina Thor at Rafa. Though, sinabi naman ni
