PILIT na nilabanan ni Daryl ang pag-aalalang naramdaman niya nang humakbang siya papunta sa pinto ng silid ni Carol. He took a deep breath, trying to calm himself down.
Dahan-dahan niyang itinulak ang pinto pagkatapos niyang gamitan ng susi. Hindi na niya binuksan ang ilaw para hindi ito maistorbo ang tulog nito. Gusto niyang tumabi ng higa sa dalaga ngunit pinigilan niya ang sarili.
Mula sa malamlam na liwanag ng lamphade ay nakita niya ang dalaga na mahimbing na natutulog. Maingat ang bawat hakbang na lumapit si Daryl. Umupo siya sa gilid ng kama. Ilang sandali na pinagmasdan niya ito nang punong-puno ng emoyon.
Mukhang mabilis itong nakatulog pagkatapos niyang ipangako kanina na magiging maayos si Rafa at magiging maayos ang lahat pagkagising nito kinabukasan.
Hinaplos niya ang mal
