Isang linggo rin kami sa laot. Isang linggo na walang ginawa kundi pag sawain ang aming mga sarili sa piling ng isa't isa.
Naroon na mangingisda si Gin at lulutuin namin na magkasama, magsu-swimming sa gitna ng dagat at magkukulitan doon na parang mga bata.
Sabay na papanuorin ang pagsikat at paglubog ng araw. Binabalikan ang mga nakaraang puro saya lang. Para kaming bagong kasal na nagha-honeymoon dito sa gitna ng laot.
Pero kailangan na naming bumalik sa reyalidad ng buhay. Hindi naman dapat puro saya lang, marami pa kaming kailangang gawin. Marami akong taong nasaktan at kailangang harapin at dapat hingan ng kapatawaran. Kung mapapatawad nga ba nila ako.
At ngayon nga nandito na kami sa Port ng Caticlan. Nakaabang na ang kotse ni Sir Drew sa amin. Malaki ang ngiti nito habang palapi
