HINDI naman natulog ng hapon si Agatha. Nang magising si Baldwin ay namataan niya ito na kinakalikot ang cellphone. Ayaw na raw kasi umandar. Inayos niya ang cellphone. Kaya pala ayaw umandar ay dahil na-drain ang battery.
“Lowbat lang pala?” nakangising sabi ng dalaga habang nakatitig sa kaniya. Nakaluklok ito sa sahig, sa paanan ng kama.
Iniwan niya sa mesita ang cellphone nito na naka-charge. “Ano ba kasi ang ginawa mo? Dapat palagi mong tinitingnan ang power,” aniya.
“In-off ko lang naman kanina ang phone. Nang buksan ko ayaw na.”
“Baka drain na ang battery bago mo na-off.”
“Ewan ko.”
“Hindi ka na natulog.”
“It’s okay. Kaya ko namang magpuyat.” Tumayo ito at lumapit sa ref. Kumuha ito ng isang bar na chocolate at soda in can.
“Dito ka na muna. Kakausapin ko lang si Lorence para
