Habang nasa biyahe ay nilingon ni Meng si Calix na kasalukuyang nagmamaneho.
"Alam din ni Yñigo?" patungkol ni Meng sa pag-uwi nila sa Pangasinan.
Tumango si Calix, "baka pabalik na rin siya ngayon sa bahay. Hindi lang talaga namin kaagad sinabi sa 'yo. Hindi ko rin kasi akalaing mabilis dadating sina papa at mama. Balak ko sanang pagbalik ko sa bahay ay saka kita tatanungin kung handa ka na bang umalis kasama si Maia," paliwanag ni Calix.
Hindi naman na sumagot pa si Meng at sumilip na lamang siya sa rearview mirror sa side niya. Kita niya roon ang sasakyan ng mga biyenan na nakasunod sa kanila. Napabuntung-hininga siya. Hindi na siya nagpaalam o nagtext man lang kay Maia. Balak niyang pagdating sa Pangasinan ay saka pa niya tatawagan si Maia.
Samantala, nakita pala ni Maia ang pag-al
