Malungkot na tinanaw ni Meng si Calix habang paalis ito. Araw iyon ng lunes at hindi umalis si Calix upang pumasok sa opisina. Umalis ito upang magbiyahe pauwing Pangasinan. Makikipag-usap ito sa papa niya. Gusto sanang sumama ni Meng subalit hindi pumayag si Calix. Katwiran ng lalaki, baka mas mahirapan pa raw silang kausapin ang papa nito. Nang mawala na sa paningin ni Meng si Calix ay papasok na sana ito sa loob nang may pamilyar na boses ang tumawag sa kaniya.
"Maia..." anas ni Meng.
Nasa labas malapit sa gate nila si Maia. Hindi niya alam kung kanina pa ba si Maia roon dahil na kay Calix lang naman ang atensiyon niya kanina. Nagpasya siyang labasin si Maia upang malaman kung ano ang sadya nito.
"Hi," bati ni Maia.
"Hello," ganting bati naman ni Meng.
"Napansin ko kasing mag-isa k
