Pabalik-balik sa paglalakad sa sala si Meng habang mariing hawak ang cellphone nito at panaka-nakang tumitingin sa telepono. Ang lakas pa rin ng kabog ng dibdib niya dahil sa tono ng boses ni Yñigo kaninang kausap niya ito sa telepono. Ilang sandali pa ay naaninag niya sa screen door na may humintong taxi sa labas ng gate nila. Lalong lumakas ang kabog ng dibdib niya sa isiping iyon na naman ang taxi na ilang ulit niyang nakita kahapon. Subalit dali-dali rin siyang lumabas nang makitang si Yñigo ang lumabas sa taxi na iyon. Kaagad niyang binuksan ang gate at nagulat pa siya nang hilahin siya kaagad ni Yñigo papasok ng bahay.
"Yñigo, ano bang nangyayari?" agad na tanong na ni Meng nang makapasok na sila sa loob.
Hinila munang muli ni Yñigo si Meng paupo sa sofa sa sala.
"Meng, about my w
