Deretsong pumasok ang sasakyan ni Calix dahil bukas na ang gate ng garahe nila. Sadya na iyong binuksan ni Meng habang naroon siya sa garahe at dinidiligan ang mga halaman na nasa paligid ng garahe. Nakangiti si Meng habang hinihintay makababa mula sa sasakyan sina Calix at Yñigo. Subalit napawi ang ngiti ni Meng nang makitang tila wala sa mood si Calix pagkababa nito. Nang sumunod namang bumaba si Yñigo ay normal naman ang reaksiyon nito.
"Hey," bati lang ni Yñigo kay Meng.
Nginitian ni Meng si Yñigo at saka niya sinundan ng tingin si Calix na dere-deretso lang sa loob ng bahay.
"Anong nangyari sa inyo?" nawiwirduhang tanong ni Meng kay Yñigo.
Bumuntung-hininga si Yñigo.
"Hindi ba maganda ang naging tama ng ipinabaon ko sa inyo?" biro pa ni Meng.
"No, it's not that," sansala kaagad
