"I'M FALLING, in love with you..
I'm falling, I'm falling in love with you.."
Tumaas ang kilay ni Beatrice nang marinig si Mariel na kumakanta. Isa ito sa mga bata sa bahay ampunan kaya sa malamang ay napanuod nito si Tom na kumanta ng awiting iyon kanina.
"I'm falling, in love with you..
I'm falling, I'm falling in love with you.."
Kumunot na ang noo niya nang makitang pati ang katabi nitong si Lalaine ay napakanta rin.
"Ahihihihi.."
Parang mga baliw na naghagikhikan ang mga ito at pagkuwa'y kinikilig na napasulyap sa kanya.
"Ayiieehh! Si ate Beatrice, kinikilig!" tudyo ng mga ito.
"At sinong may sabi?" taas ang kilay na tanong niya sa dalawang may balak pa yata siyang pikunin.
"Bakit? Hindi ba? Aminin na kasi. Ayiieehh! Ayan oh ngingiti na iyan."
"I'm falling, in love with
