“BEA? What’s wrong?” Tumigil si Tom sa pagtawa nang mapansing hindi na kumikibo at gumagalaw ang yakap-yakap pa rin niyang dalaga. Hindi ba ito natatawa sa pinapanuod nila? Kunot-noo at nagtatakang sinilip niya ang dalaga at napangiti na lang siya nang makitang nakapikit na ang mga mata nito at banayad na ang paghinga nito.
“So, my baby witch fell asleep in my arms,” nakangiting bulong niya sa sarili at hinalikan ito sa pisngi. Napakaantukin pala nito. Marahil ay napagod ito sa pagtuturo nito ng sayaw sa mga bata.
Mahigpit na niyakap niya ang maliit na katawan nito at pagkuwa'y isinubsob niya ang mukha sa balikat nito. Hindi talaga niya mapigilan ang sariling yakapin ito lalo na't malaya niyang nagagawa iyon ngayon. He can't explain it pero sobrang naaadik na talaga siya sa presensiya ni
