TULOG na si Gabriel na nakayakap sa kanyang katawan habang nakaupo siya sa kanyang sofabed. Si Gabby naman ay may tinatawagan sa labas ng kanyang apartment na halatang may kinalaman sa negosyo.
Tahimik niyang hinahaplos ang likuran ng anak nito nang bumalik sa loob ang lalaki. Taimtim nitong hinarap ang kanyang mga mata.
Tumikhim siya dahil hindi siya sanay na seryoso ito. He was really moody. Baka hindi maganda ang balita ng tinawagan niya.
“Mr. Yong, nakatulog na ang anak mo.”
Tumango si Gabby bago nilingon si Nikolas.
“Nikolas, please get Gabriel from Kate,” anang lalaki. Hindi niya mabasa ang nararamdaman nito.
Lalapit na sana si Nikolas nang pigilan ito ng lalaki. “Ako na pala.”
Nalalanghap niya ang halos lahat dito nang lumapit ito sa kanya para kunin ang anak nito. Pagka
