INIHATID pa ni Angelique si Chris sa airport. Siya pa ang nag-insist na maghatid dito nang dumating ang petsa na lilipad na ito.
“Mami-miss kita,” sabi nito sa kanya.
“Huwag kang ma-emote masyado. Internet age na tayo ngayon. Hindi na masyadong nakaka-miss ang isa’t isa,” masiglang sabi niya dito.
“I don’t know what future awaits for me there.”
“Bright. Or maybe brighter future. Ikaw pa ba? Dito nga successful ka na, eh.”
“Hindi ko lang talaga matanggihan si Mommy. Kailangan daw nila ako doon ni Daddy. Kung ako lang, ayoko talagang umalis.”
“Ano ka ba? Ngayon ka pa ba magbabago ng isip? Nakaparada na sa NAIA iyong eroplanong sasakyan mo,” biro niya nang matanaw na malapit na sila sa airport.
“Parang ayaw kitang iwan,” seryosong sabi nito.
“Kahit iwan mo ako, hindi ako aalis. Huwag
