“AKO, MAGPAPAKASAL?” Hindi ganoon ka-exaggerated ang tono ni Angelique pero shocked pa rin siyang marinig dito iyon.
“Oo. Bakit, allergic ka na ba sa kasal?”
“Hindi naman sa ganoon. Pero kanino ako magpapakasal? Matagal na akong walang boyfriend, Lolo. Alam mo naman iyan.”
“Then find a new one.”
“Kung sana ay kasing-dali lang iyan ng pag-order ng fast food sa drive-thru.”
“Matagal na tayong kakalog-kalog dito sa bahay. Hindi naman siguro imposible na Madagdagan ang pamilyang ito, hindi ba?”
“Lolo Daddy,” nananantiyang sabi niya. “I have this idea. Ang totoo, pinag-iisipan ko na rin ito ng maraming beses. And now that we are talking about this, siguro ito iyong mas madaling solusyon. Plano ko sanang magkaanak. I mean, anak lang. Hindi ako mag-aasawa.”
Kunot ang noong tinitigan siya
