BAGO sumapit ang entrance exam, nagkaroon muna ng Seminar para sa mga bagong aplikanteng estudyante tulad ko. Isinasagawa ito para magkaroon ng kaalaman ang mga mag-aaral na gustong pumasok sa school kung ano ang aasahan nila sa Joan of Arc Women’s College. Dahil isa itong eskwelahan para sa mga babae puro mga babae ang kasama ko rito sa seminar room.
Nasa 35 kami ngayong ino-orient ng speaker na lalaki. Nakatayo siya sa gitna ng white board. Matangkad, maputi, matangos ang ilong at may kahabaan ang buhok. Mukha siyang model ng sikat na brand ng damit. Bumabakat sa fitted shirt niya ang umbok ng muscle sa braso at dibdib niya. Siguro health conscious itong si Sir Armin. Iyon kasi ang pakilala niya sa amin kanina.
“So, guys naintindihan ba ang vision and mission ng school?” tanong ni
