TERESA
Wala man lang ako naramdamang tuwa nang makausap ko siya. Hindi din ako nasisyahan habang pinapatawa niya ko. Hanggang sa natapos ang pag-uusap namin. Tila nakaramdam lang ako ng inis sa kan'ya.
Napabuga na lang ako ng hangin sa aking bibig. Hindi pa din maproseso ng utak ko ang mga sinabi niya. Titira na daw ako sa mansyon pagdating ko ng Pilipinas. Pero hindi iyon ang balak ko pagdating ko. Gusto ko siyang iwasan at ayaw kong malaman niya ang pagdating ko. Hindi ko sinabi ang totoo sa kan'ya na nextweek na ang uwe namin ng kapatid ko.
Ewan ko ba sa sarili ko, parang ayaw kong ginugulo niya ko. Ayaw kong makasama siya. Gusto kong i-enjoy na lang ang sarili ko na wala siya. Tila nagbago na yata ang aking pananaw sa buhay. Pero mananatiling ako pa rin ang tatayong ina ni Tantan.
