Chapter 24
*Vanessa Martinez*
“Trabaho ba ang kailangan mo? Kaya kitang matulungan diyan.” Excited niyang wika.
Kumunot ang noo ko dahil sa reaksiyon niya. Nakangiti kasi siya na para bang nakaisip ng magandang plano. Pero interesado ako sa sinabi niya. Kailangan ko talaga ng trabaho.
“P-Paano?” Pagtataka kong tanong. Kung ano man ang sinasabi niyang trabaho... sana marangal. Namulsa muna siya bago nagsalita.
“Maraming negosyo ang Daddy. Ang ilan doon ay Fast food restaurant. Marami siyang mga scholar na nagtatrabaho doon. Mga nagpa-part time job. Sinusuportahan ng kompaniya ang pag-aaral ng mga students. Sumasahod na sila, libre pa silang nakakapag-aral.” Mahabang paliwanag niya.
Para akong nakakita ng liwanag dahil doon. Habang nag-aaral ako makakatulong pa rin ako sa pamilya ko.
