Ikawalo ng umaga nang dahan-dahang iminulat ni Jiselle ang kaniyang mga mata at ganoon na lamang ang kaniyang pagtataka ng bumungad sa kaniya ay ang puting kisame. Habang nasasamyo rin ni Jiselle ang amoy ng gamot na para bang sa kaniya mismo nanggagaling. Kasabay naman nito ay ang paglibot ng paningin niya sa loob ng kwarto kung saan siya nagising kung kaya’t kaagad na napagtanto ni Jiselle na nasa ospital pala siya. Akmang babangon na sana si Jiselle nang bigla na lamang siyang napadaing sapagkat pakiramdam niya ay sobrang sakit ng katawan niya. Bagamat may kirot na naramadaman ang dalaga hindi maiwasan ni Jiselle na mapangiti nang makita niya si Timothy na mahimbing na natutulog sa pulang sofa hindi kalayuan sa pwesto niya. Bukod dito, napansin din ni Jiselle na tila ba pagod na pagod s
