NAKAKUHA ng search warrant sina Khiane nang idiin ni Jay ang pangalan ni Hans nang i-interrogate nila ito. Syempre ay hindi ito ganoon kadaling nagbanggit ng pangalan. Kinailangan pa nilang gamitan ito ng kamay na bakal.
Kaya heto sila at papunta sa Lee Group of Companies. Ang grupo ni Dennis ay papunta naman sa bahay ng lalaki.
“Hindi po pumasok si Sir Hans ngayon, Chief,” anang front desk clerk na si Alexza pagkadating nila doon. Nagtataka ito’ng sumulyap sa kanya.
“We have a search warrant on Mr. Lorenzo’s office.” Ipinakita ni Jerome ang papel dito.
“Ah, eh, kailangan pa pong ipagpaalam sa taas ang tungkol dito—”
“Boss Lee already approved this,” aniya. Ipinakita niya dito ang sulat na galing mismo sa may-ari ng kumpanya. “Nakausap na namin siya bago kami pumunta dito.”
Matapos i
