“WHAT? Nawawala ang isa sa mga nahuling suspects kagabi?” kunot na kunot ang noo ni Dennis habang kausap niya sa kabilang linya si Jerome.
“Yes. Someone named Mark Baluarte.”
“May nakapansin ba kung sino ang naglabas sa kanya d’yan?”
“We’re checking our CCTV. We cannot say kung sino ang pulis na iyon. Naitagong mabuti ng suot niyang police cap ang mukha niya... But were doing further investigation. May mga pinaghihinalaan na rin kami sa mga kasamahan namin dito.”
Napatango siya. “Continue on what you’re doing. We have to know where Mark Baluarte is immediately.”
Ilang sandali pa ay nagpaalam na siya dito. Pupuntahan niya pa ngayon si Jane.
Mula sa backseat ay kinuha niya ang bouquet ng rosas. Tiyak na matutuwa ito kapag nakita ang mga iyon. He knew how much Jane likes these flowers.
