“WALA ako intensyong masama kay Ma’am Jane. Hindi ko din inaasahan na ganoon ang mangyayari,” pagkukwento ni Ronah. “Sir Hans paid me to do a job.”
Si Hans na naman? saisip ni Jane. Wala ba silang makukuhang ebidensya na may kinalaman sa Tita Mickey niya? Iba talaga ang kutob niya sa tiyahin.
Lahat sila ay nakatingin kay Ronah at hinihintay ang pagtatapat nito.
“Gusto niyang tulungan ko siya para... para dispalkuhin ang pera ng kumpanya. I’m the over-all junior accountant kaya iniisip niyang madali lang para sa akin na doktorin ang financial reports.”
“What?” Napahumindig siya.
Nakita niyang tumingin sa gawi niya si Khiane. Nasa mga mata nito ang pag-aalala.
“At pumayag ka?” gulat na tanong ni Adriel sa kasintahan.
Nakayukong marahang tumango si Ronah.
“Why did you do that, sweethe
