“WHAT are you thinking about Sir Hans?”
Napalingon si Jane kay Khiane. Sumulyap ito sa kanya bago muling ibalik ang atensyon sa daan.
“I was really disappointed with him. Hindi ko inaasahang magagawa niya iyon sa akin. Hindi ko na tuloy alam kung sino ang pagkakatiwalaan ko sa kumpanya.” Napabuntong-hininga siya. Pagkuwa’y may naalala siya. Tumingin ulit sa binata. “Khiane, kailangan nating malaman ang koneksyon ni Hans kay Tita Mickey. Iba ang kutob ko sa narinig kong usapan nila sa opisina ni Hans.”
“I know. We need to know. But for now, kailangan muna nating imbestigahan ang mga kahina-hinalang empleyado sa kumpanya ninyo.”
Saglit na nag-isip siya. Inalala niya ang mga nangyari at nakita niya noong isang linggo.
“Si Ronah.
