Nagtext si Rykel sa akin. May pupuntahan daw kami mamayang gabi. Hindi na ako nakipagtalo. Kung anuman ang plano niya, hahayaan ko siya basta sa huli ay kami. At isa pa, sino nga ba iyong papakasalan niya? Sa sobrang galit niya kanina ay hindi ko na nagawang itanong iyon. At hindi ko alam kung handa na ba akong malaman iyon.
"Una na ako." Sabi ko doon sa nurse na nasa quarter.
Tumango siya habang nagtitimpla ng kape.
"See you din. Huy, bukas ah? Party raw sa bahay ni Doc Xavier."
Tumango ako sa kanya. Bukas ay bibili na lang ako ng regalo bago pumunta doon. Birthday kasi ni Doc Xavier at lahat ng crew ay invited. Bumaba na ako sa parking lot. Sa sasakyan ni Rykel ako sasakay kaya mananatili na naman ang sasakyan ko dito sa ospital. Hinanap ko ang sasakyan
