Habang abala si Adam sa pagbasa ng mga papeles sa loob ng kanyang opisina, naroroon din sa loob sina Lucas, Dave, at Brent—mga pinsan niyang madalas niyang nakakasama sa mga mahahalagang desisyon. Tahimik ang silid, tanging lagutok ng papel at tunog ng ballpen ang maririnig.
Ngunit bigla na lamang bumukas ang pinto. Halos sabay-sabay silang napalingon.
“Gov,” tawag ni Oliver, ang personal bodyguard ni Adam, habang mabilis na lumapit.
“Yes,” sagot ni Adam nang seryoso, hindi inaalis ang tingin sa hawak niyang dokumento.
“Gov, umalis raw po sina Ma'am Georgie at Ma'am Skylar sa mansion. Sa likod sila dumaan. Hindi sila nagpahatid sa alinmang driver,” ulat ni Oliver, halatang aligaga.
Napakunot-noo si Adam. "What? Saan daw pumunta?" tanong niya, pilit pinipigilan ang inis sa tinig. Hindi
