CHAPTER NINE
“ARMS on your forehead, Milo. That’s right!” sabi ni Bianca habang panay ang pindot sa DSLR camera. Kanina pa siya walang tigil sa pagkuha ng litrato sa binata. She wanted to capture his every move. Wala itong suot na pang-itaas. Ang pang-ibaba nito ay isang camouflage cargo shorts at tsinelas lamang ang sapin sa mga paa. Nasa baybayin sila at background ng mga kuha niya ang dagat na perpekto ang pagkaasul. Tila pinintahan naman ng mga puting ulap ang maaliwalas na kalangitan. Saglit siyang natulala sa katawan ni Milo kanina, pero nang magsimula na siyang pumindot sa shutter ng camera ay bumalik na ang kanyang focus. Perpekto ang modelo niya kaya hindi dapat niya sayangin ang pagkakataon.
Naroong pinalakad ni Bianca si Milo sa buhanginan habang bitbit ng binata ang tsinel
