Ngunit tila wala sa sariling hindi ako naririnig ni Senyorito Simon na nakatingin lamang sa direksyon ng bahay kung saan sinundan niya ng tingin hanggang pumasok ang bunso kong anak.
Wala pa rin kupas ang kanyang kagwapuhan. Pansin kong mas lumaki ang kanyang katawan at mas bumagay sa kanya ang matured na mukha. Nakasuot lamang siya ng simpleng round neck blue t-shirt at kupas na lumang pantalon at tanging simpleng pares ng tsinelas ang kanyang sapin sa paa. Pero hindi maipagkakaila na naiiba siya kung ikukumpara sa itsura ng mga kalalakihang nakatira dito sa Hacienda.
"Senyorito Simon?" muli kong untag sa kanya.
Tila naman siya nahimasmasan at ibinaling na ang paningin sa akin.
"Anong kailangan mo?" muli kong tanong habang walang emosyon at deretsong nakatingin sa kanyang mga mata.
N
