"Tao po!"
"Sandali! Nandiyan na!" sagot ko sa kung sinumang nasa labas at nagpapa-tao po. Sana naman ay isang customer at mamili ng halaman para naman may panggastos kami sa mga susunod na araw. Ang siyang naging dalangin ko habang nagmamadaling makalapit sa gate namin na gawa sa kawayan.
Isang magandang babae ang nakatayo sa labas ng aming bakuran. Waring ang edad ay hindi naman nalalayo sa edad ko. Mukha siyang disente sa pananamit pa lamang. May konti siyang bahid ng makeup sa mukha at hindi masyadong mapula ang lipstick niyang gamit sa labi. Nakasuot siya ng damit na may mahabang manggas na hanggang siko at naka-slack na itim. Mas matangkad siya sa akin at maganda rin ang hubog ng katawan. Kung ang ibang mga babae ay tumataba pagkatapos manganak ay malamang na swerte siguro ako na h
