Seryoso?!
Nais ko sanang isatinig ngunit nanatili na lamang akong tahimik at nakikinig. Hindi ko rin naman alam kung paano ako magkokomento o kailangan ba akong mag komento.
Wala sa hinagap ko na pamamanahan niya rin kami ni Santino. Kahit si Santino na lang ngunit ang isama pa ako ay parang isang kalabisan. Hindi ako kaano-ano ni Senyora. Isa lang along sampid sa kanilang pamilya.
Ayokong lingunin ang kahit sino sa magkapatid na Sto.Domingo dahil sa pakiramdam ko ay hindi sila sang-ayon sa sinasabi sa testamento. Ngunit dahil may mga pinag-aralan ay nanatili lang silang walang kibo at sibil at patuloy rin na nakinig sa iba pang sinasabi ni Attorney.
Ilang katanungan pa ang tinanong ng magkapatid bago pa nagpaalam upang magbalik na ng Maynila si Attorney Clemente. Inabutan pa niya nga
