Sumapit ang first birthday ni Santino at abala akong nag-asikaso ng lahat.
Simple at konting pagkain lamang ang aking personal na niluto kasama ang tulong ni Manang Lorna. Pina imbitahan ko rin ang kanyang mga anak at mga apo upang makasama at makilala ko na rin. Sila lamang ang magiging bisita namin ngayon. Hindi ko lang alam kung may inimbitahan na bisita si Senyorito Simon na darating.
Ang importante naman malusog at walang sakit ang anak ko.
Napangiti ako ng isusuot ko na ang ternong puting damit ng cutie patootie kong anak. Puti rin ang kulay ng kanyang sapatos at medyas maging ang kanyang sumbrero.
Ganap na alas diyes ng umaga ang oras ng pagbibinyag sa kanya sa malapit na chapel sa subdivision.
Si Manang Lorna ang napili kong ninang ni Santino. Hindi nga makapaniwala si Manang.
