"Pasensya na, Ma'am pero hindi po namin mapagbibigyan ang gusto ninyo. Unang-una po ay may kasama po kayong baby na hindi po pinapayagan na papasukin dito sa ospital kung wala namang sakit. Kaya sorry po talaga." Lahad ng babaeng nurse na kinausap ko tungkol sa balak ko sanang makasama namin ni Santino si Nanay dito sa ospital ngayong darating na kapaskuhan. Nakiusap ako hanggang sa makakaya ko ngunit sadyang mahigpit daw ang patakaran lalo na at may kasama akong bata. Okay lang daw na ako lang mag-isa ngunit hindi pwede si Santino.
"Ganun ba? Naiintindihan ko naman, salamat." Malungkot kong tugon.
"Pasensya na po talaga, Ma'am." Ulit na paghingi ng pasensya ng mabait na nurse bago ako iniwan dito sa lobby ng ospital.
Laglag ang balikat ko na tinahak ang daan palabas ng ospital. Inuna
