Abala ako sa pagluluto ng simple naming noche buena para mamayang pagsapit ng alas dose ng hatinggabi. Kalahating kilo ng spaghetti, konting shanghai, pritong manok, isang tasty bread na may palaman na cheese, orange juice para inumin at ilang piraso ng prutas gaya ng mansanas, ponkan, ubas, melon, pakwan, pinya, suha, chico, at saging na magkakasama sa isang basket na nasa gitna ng aming mahabang lamesa.
Ako lang talaga ang nagluto dahil hindi ko na pinapasok ngayong araw si Manang Loreta upang mapaghandaan din ang gagawin nilang selebrasyon ng kanyang buong pamilya ngayong kapaskuhan.
Pasado alas otso na ng gabi ngunit wala pa rin si Senyorito Simon. Hindi pa rin siya bumabalik mula ng umalis siya kanina ng tanghali at hindi ko alam kung saan siya nagpunta.
Samantalang suot na namin
