Kanina pa tunog nang tunog ang cellphone ng dalaga ngunit hindi niya iyon masagot dahil parang matanglawin ang mga mata ni Kade. Nasa garden sila at minamasahe ang alaga at si Kade naman ay nasa terrace at nagkakape. Hindi niya malaman kung ma eexcite ba siya o kakabahan sa sunod-sunod na tawag mula sa kasintahan. Nagtatalo ang isip niya kung mag-iisip ba siya ng positive o negative na balita. Okay naman kasi sa bahay nila dahil bago ang duty niya ay tumawag siya at ibinilin niya kay Larissa na kapag may emergency, kay Lucinda dumirektang tawag hindi sa kanya dahil hawak naman palagi ni Lucinda ang cellphone nito kumpara sa kanya na ipinagbabawal ni Kade.
Hinintay niyang umalis ang binata sa terrace at nang tumalikod ito ay mabilis niyang sinagot ang tawag ng nobyo.
"Ano'ng problema, bak
