Maaga siyang nakarating sa pantalan taliwas sa napagkasunduan nilang oras ni Mang Gusting. Balak sana ng dalaga na daanan ang nobyo sa tinutuluyan nito ngunit nagbago rin ang isip niya dahil naalala niya ang ginawa nito. Habang naghihintay sa bangka ay nagpasya siyang maglakad-lakad muna habang tumitingin sa mga binebenta ng mga street vendor. Gusto niyang bumili kahit ng mga mumurahing pasalubong para sa mga kasamahan sa isla. Nakakita siya ng nagtitinda ng mga pansapin sa paa na yari sa abaca. Bumili siya ng ilang piraso at isinilid iyon sa kanyang bag. Pagkatapos ay muli siyang naglakad-lakad hanggang sa makarating siya sa nagtitinda ng ihaw-ihaw.
Naalala niya noong nililigawan pa lang siya ni Ken, mahilig din itong kumain ng ihaw-ihaw kaya madalas doon siya dinadala nito kapag nagde-d
