Bumili pa ng isang pumpon ng mamahaling bulaklak si Kade bago siya nagpasundo kay Gusting sa pantalan. Sa kanyang bulsa ay naroon na ang isang kahita ng singsing na balak niyang ibigay kay Dani. It's a whopping 4 carat, emerald cut diamond ring! Gusto niya sana nang mas mataas pang carat kaso walang available sa store na pinuntahan niya. Hindi bale, papalitan niya na lang iyon ng mas malaki kapag nadala niya sa abroad si Dani. Sa ngayon ay iyon munang available ang ibibigay niya rito.
"Let's go home, Mang Gusting!" utos niya sa matanda nang sunduin siya nito sa pantalan.
"Sige po, sir!" sagot nito. Hindi mapigilang mapasulyap ang matanda sa dala niyang bulaklak.
"Para po kay Dani," maluwang ang ngiting sabi niya kahit hindi pa ito magtanong.
"Kahit hindi mo sabihin ay alam ko na kaagad
