Maaga kaming umuwi dahil ubos kaagad ang isang sakong dala namin. Si Nanay Juanita, umalis dahil dadalaw daw sa kaibigan. Si Tatay Nestor naman, nagpunta sa taniman. Hindi na rin naman nila ako napilit na sumama. Ako tuloy ang naiwan sa bahay dahil mamaya pa uuwi si Belle galing eskuwela.
Sinubukan kong umidlip. Ang nangyari lang, pabiling-biling ako sa kawayang higaan. Kahit napapagod, hindi ako madalaw-dalaw ng antok. Gising na gising ang diwa ko.
Frustrated lamang akong bumangon at umupo. Who the hell was I kidding? Paano ako makakatulog ngayon o kahit mamayang gabi kung... kung ganoon ang nangyari kanina?
Ibinaon ko ang mukha sa dalawang palad. Sigurado akong si Mickey iyon. Hindi tulad ko ay wala siyang suot na cap o mask. Though maybe even with just his eyes visible, I would still
