(Good news)
HAWAK KAMAY NI Myron ang kamay niya. Day off nito sa trabaho kaya sinamahan siyang magpa-check up sa doctor. Mahigit isang buwan na lang at manganganak na si Liberty kaya naman halos ayaw na siyang iwan ng kaibigan niya.
“Wala ka ba talagang balak na pumasok sa trabaho? Pagkatapos ng check-up ko pwede ka naman na bumalik sa city. Huwag mo akong alalahanin. Kaya ko naman ang sarili ko. Isa pa, siguradong pabalik na rin naman si Manang Mona,” aniya habang papasok na sila ng clinic.
“Malapit ka ng manganak at hindi pwedeng si Manang Mona lang ang kasama mo. Ano na lang ang sasabihin sa akin nina Tita at Tito kapag nalaman nila na hinayaan lang kita mag-isa?”
“Hind naman nila malalaman.”
“Kahit na. Huwag kang mag-alala, pinayagan na naman ako ng opisina na mag-leave sa trab
