(Myron’s surprise)
ILANG ARAW pa ang lumipas na nasa loob lamang ng bahay si Liberty. Ang akala niya dati na magiging madali para sa kanya ang gawin ang mga nais niya kapag nanganak na si Angela ay hindi nangyari. Dahil ang Mama at Papa niya ang madalas na mag-alaga sa kanyang pamangkin, siya naman ang in-charge sa ibang mga household chores. Si Brix kasi ay hindi rin makaalis sa tabi ni Angela.
Ang hirap pala magbuntis at manganak dahil hindi lang isa ang aalagaan kung hindi dalawa na. Ganoon pala ang magiging set-up kapag siya naman ang magdalang-tao.
Ang tanong, kailan kaya iyon? Mahina siyang natawa.
Paano kaya kung bigla na lang siyang mabuntis tapos malaman ng magulang niya? Tiyak na may kurot siya sa singit dahil wala siyang ipinapakilalang boyfriend tapos mabubuntis siya. Si
