DINALA ni Jhanine si Daryl, sa Recto Maynila. Naroon sila ngayon sa harap ng nagtitinda ng kwek kwek. Natatawa si Jhanine, habang pinagmamasdan ito. Titig na titig kasi ito sa pagkain, habang nakakunot-noo ito. Saka nilibot ang tingin sa buong paligid.
"Hoy, ano bang tinitignan mo diyan?" tanong niya.
"Anong ginagawa natin dito?" balik-tanong nito.
"Kakain tayo." Sagot niya.
"Ito?"
"Oo. Sabi mo 'di ba? Hindi mo pa natitikman 'yan?"
"Oo nga pala, tara tikman na natin!" excited nang wika ni Daryl.
Natawa siya. Hindi nito alintana kung marumi ba o hindi ang pwesto ni Manong Vendor. Basta na lang nito kinuha ang maliit na mangkok na binalutan ng plastic at ang disposable fork na inabot ni Manong, saka kumuha ng isang piraso ng kwek kwek. Tapos ay nilagyan niya ng suka at sibuyas. Agad n
