Unti-unti na rin napag-aaralan ni Janna na tanggapin ang sitwasyon nilang mag-asawa. Isang malungkot na katotohanan na kailangan niyang harapin na mag-isa. Akala kasi niya noon ay mapapanindigan pa ni Migs ang mga pangako na mamahalin ang isang maybahay na tulad niya na walang silbi. Pero hindi pala ganoon katibay ang pagmamahal sa kanya ng asawa. Mahirap talagang umasa dahil walang kasiguruhan ang lahat. Masakit mang tanggapin ang katotohanang iyon. She had no choice kundi ang magpakatatag para sa sarili. Nasanay na rin siya na maging tampulan ng biruan. Kung noong una’y napipikon siya at nasasaktan. Natuto siyang sanayin ang sarili na idaan na lamang sa tawa ang lahat.
Nasanay na din siya na kapag uwi ng bahay ay magluluto lamang ng para sa sarili. Wala na silang kibuan at pakialaman n
