ALICIA
“Ano ang nililingon mo riyan?” tanong ni Cleo na agad na lang sumulpot. Nagulat pa ako dahil hindi ko napansin ang pagdating niya. Akala mo kabute na sumulpot at may kasama pang kamandag.
Napatikhim muna ako bago sumagot, “Wala naman. May inaabangan lang akong estudyante ko. Papadala ko sana ang ilan kong mga gamit sa room.” Pandadahilan ko kay Cleo pero hindi ako tumingin sa kaniya dahil alam kong mabubuking ako. Tinutok ko ang aking pansin sa desk ko at tinitingnan ang mga papel ng estudyante ko.
“Karaniwan namang ikaw lang ang nagdadala, ah? Ano ang ang bago?” Rinig kong naupo na rin ito sa sariling upuan.
“Medyo napagod ako ngayong araw kaya magpapatulong ako.” Agad akong humarap sa kaniya na magkasalubong ang kilay. “Bakit ang dami mong tanong? Hindi na ba ako puwedeng ma
